Bildlegende: Wer will die staunende, blaue Berta?

Es gibt viele neue Geschichten und Dinge in Grenchen zu bestaunen: Einmal das "Gstürm" um Kinderbilderbücher und so. Dann noch viel von der Farbe Blau, wie z.B. die Blaue Nacht und so. Oder die Meinungen um die dicke, blaue Berta und so....    

Sie ist dick und blau und staunt...

Gosche am 4.10.2010

In Soledurn do isch me froh
isch d’Berta jetz nach Gränche cho
derbi isch die doch richtig glatt
ei Holzchopf meh i üsre Stadt

Und au die Farb die passt so blau
das isch dr Stapi öppe au
während är das Kunschtwärch lobt
Chaschper Haupt im GT tobt:

"Do hets mou es Pissoir gha
jetzt lueget mou dä Schissdräck a"
Die Dicke säge Gott sei dank
gäg die bi ig no schlank und rank

D’Brüscht luege nach Mekka us
dr Arsch zum St. Eusebius
Dr Angela macht das kei Chummer
"Dasch doch e schöne dicke Brummer"

Dr Barbey het schnäu mou usegfunge
das brucht kei Baubewilligunge
Doch Müller fluecht, dasch tüür emänd
jetzt lueget mou das Fundamänt

Und duet am Banga ungrefüüre:
"He, du verschleud’risch üsi Stüüre,
wär wird de au die Chöschte trage
wenn dr Holzwurm afoht gnage"

Jo d’Meinige göh usenang
dr Berta wirds drum Angscht und Bang
scho chömme so zwe Pyromane
und hei re Füür as Füdle ane

Im Dunkle seckle si dervo
und d’Berta die blibt ysern stoh
Jo Berta du chasch ruhig blibe
die duet niemer do vertriebe

I üser Stadt do ischs drum so
duet ein’ mou uf em Socku stoh
De blibt...und blibt...und blibt dä do
das isch eso und blibt eso

Neuere Themen:

Neuigkeiten zur Fasnacht 2011

Aus dem Kochtopf - auf den Tisch

Ältere Themen:

Bundesrotswahle

Es ist viel zu heiss - Sommerpause!

Zurück zur Newsübersicht

Kommentare

15.10.2010

T.Keller ToKe

Was für verborgene Aengste und Gefühle? Da muss ich echt lachen. Was solche Leute immer alles finden..
Mir gefällt diese blaue Skulptur, finde aber der Standort ist alles andere als gut gewählt. Die Berta passt überhaupt nicht dort.

15.10.2010

Stefan Mauerhofer

Ich finde die Berta einfach genial. Sie entlockt uns unsere tief im Unterbewusstsein verborgenen Ängste und Gefühle.

14.10.2010

Ein Leser

Gefällt mir - diese Geschichte. Köstlich!

12.10.2010

Fasnächtli

Ich finde sie witzig! Gibt es nicht noch ein paar von diesen dicken Weibern mehr? Es gibt doch sicher noch die eine oder andere blaue Schwester (s'Bethli, s'Babettli, S'Bäbi und s'Brigittli). Das würd dann genial zum Fasnachtsmotto passen.

12.10.2010

Boss

Löt die nid lo sto - löt die wieder lo go

8.10.2010

Der Gänchner

Au i ha gmeint,das cha nid si
mit em subere Gränche ischs verbi
vor der Poscht steit eini ohni Hose
das git no z redä muesch de lose
si isch nid schön,gseht nid guet us
isch au tag blau,do chunsch nid drus
jetz löh si die vor d poscht lo schisse
obschon sich aui s mu verrisse
aber s guete dra, das muesch au gseh
vom Märetplatz redet niemer meh

5.10.2010

Fragender

Bleibt diese blaue Ding noch lange dort?

4.10.2010

khso

du meinst sicher das HOLZWURM-MONSTRUM?

4.10.2010

-wunschlos unglücklich-

ich stuuune au jedesmool wenn ich dä blau Seich vor der Titanic gseh