Bildlegende: Die zwei neuen Bundesräte

Endlich, endlich ist es wieder soweit - die Gosche ist aus dem Sommerloch entkommen und hat viele interessante Geschichten zu erzählen. Für heute fangen wir einmal Gesamtschweizerisch an: Der neue Bundesrat. Oder heisst es nun die neue Bundesrätin....?  

Bundesrotswahle

Gosche am 27.9.2010

Bundesrotswahle - Männerquale

Jetzt si d’Fraue do ar Macht
fertig mit witzle, fertig glacht
De Manne git das scho chli z’bisse
jetzt müesse sie sich am Rieme riesse

Doch sicher isch, nach dene Wahle
muesch jetzt de no meh Stüüre zahle
wüu - dass die Fraue dört chöi waute
muess me s’Bundeshus neu gstaute

Bim Umbau muess me sicher plane
müesse grad neu Vorhäng ane
de muesch dir au no überlegge
s’brucht Spiegel jetzt i jedem Egge

Statt Wandelhalle wird jetzt gli
dört e länge Laufstäg si
Statt Arbeitsschweiss hangt i dr Luft
gli e dezänte Channel Duft

Neu baue muess mem, duets üs schine
Pissoir use – Schminktisch ine
Dr Weibel wird i Stress jetzt cho
bi dene Frauewünsch jetzt do

D’Calmy Rey brucht - jetz muesch lose
pro Tag mindeschtens ei Puderdose
S’Doris seit jede Tag zum Stift
gang chauf mer schnäu e Lippestift

So brucht au d’Widmer-Schlümpf
halt täglich zäh Paar neui Strümpf
und d’Simonetta Sommaruga
muess grad e ganzi Garderobe ha

Hei si denn das aus übercho
chönnt langsam me as schaffe go
de seit die einti, s’duet mir leid
dä Teppich passt nid zu mim Chleid....

Dr Ueli duet am Didier chlage
mir liegt das scho chlei ufem Mage
und witer het är ihm erklärt
d’Fraue ghöre doch a Härd

Au dr Schneider Ammann seit
das hani zwenig überleit
Ir Firma ha ig halt aube no
zum seiche öppe dörfe stoh

Zurück zur Newsübersicht